الاسبرنج رول ,, مع طريقة لفه بالصور

كيفكم ان شاء الله بخير


اليوم جايبه لكم طريقه لذيذه لحشوة السبرنغ رول مع طريقة لفه بالصور بعد ماشفت بعض الاخوات يطلبون طريقة اللف

والحشوه هذي جت عقب صراع مرير من التجارب لمجموعه من الحشوات لأن اللي عندي مايحب الحشوات الصينيه علشان كذا قعدت احوس الين طلعت بهالحشوه وان شاء الله تعجبكم

اول شي مقادير الحشو :

دجاجه مسلوقه بدون جلد ومفرومه

بصل مقطع صغار تقريبا 3 حبات

جزر مقطع مربعات صغيره

كوسه مقطعه مربعات صغيره

بقدونس مفروم واذا حابه زياده كزبره مفرومه

علبة ذره حبات

وبس

نبدا بحمس البصل بشوية زيت وبعدين نضيف حبة ماجي وعقبها الجزر والكوسه ونحركهم شوي على النار وبعدين نضيف الدجاج ونضيف بهارات مشكله ( ملح , كركم , فلفل اسود , شوي بهار مشكل ) ونقلب شويتين ونطفي النار ونضيف اخر شي البقدونس والذره وهذي شكلها جاهز



بعدين نجي لطريقة اللف والصور توضح















وعملية اغلاق السبرنغ رول عن طريق شوية نشاء مع مويه تخلطينهم مع بعض وتمسحين نهاية الشريحه بالنشاء














وان شاء الله تكون اعجبتكم وترى شكلها مبين صعب لأني منزلتها بالتفصيل الممل ولا هي مره سهله ولاتنسوني من الدعاء وتراني والله تعبت في تنزيل الصور والتحميل جزاكم ربي الجنه

نصائح مهمه :

اذا قليتي السبرنغ رول في زيت جديد يعطيك نتائج افضل

استخدمي النشاء والماء لأغلاق العجينه لانه يخليها هشه ومقرمشه عند القلي

تسلم ايديكى وانتظر منك المزيد

تسلم ايديك وانا من المحبين كتير للسبرنج رول حلو ومقرمش

جميلةموت تسلم الأيادى ياقمر